:::::::::::قول وسمع:::::::::::: مصر امان
علّى صوتك قول وسمّع
لسه ف الجامع امام
وفجر اذن ياما جمع
والخشوع ف دموع عام
لسه بين دروبها ازهر
مدنه طاله ع الحسين
والاذان نادى وكبر
جري يلحق ركعتين
والنهار شق ف ظلامها
لوحه مرسومه حياه
فارده شمس يدوب عرقها
ولبى حلم عرف صداه
وناس تحمّل فوق كتافها
مد ايدك شيل معاه
والشوارع زاد زحامها
وفرحه ف نهاية شقاه
ارزاق مقسمها الاله
لمه ع الدكان و ناول
كله يستاهل رضاه
مره جون مره فاول
غني فيها ف كل ناحيه
وارضا عادي بالنصيب
قلوبنا فيها لسه صاحيه
ومصر لساها الحبيب
بقلم مصطفي احمد
ليست هناك تعليقات:
إرسال تعليق